Informativa sui Cookies



BANDU 2015 de su PRÈMIU “CASTEDDU DE SA FAE”





downloadA pustis de unos cantos annos, sa «Sotziedade Culturale CASTEDDU DE SA FAE»  e sa «COMUNA DE PASADA»,
presentant su BANDU 2015 de su PRÈMIU “CASTEDDU DE SA FAE” (fundadu in su 1984 dae Màuru Deledda)
pro unu Romanzu in sardu, in PASADA, Domo de sas Damas, su 25·9·2014, a sas 6 de borta de die.

Ammentamus chi sas òperas in cuncursu devent èssere iscritas in sardu e chi su prèmiu pro su binchidore at a èssere sa publicatzione in libru de s’òpera sua.
In sa matessi ocasione b’at a èssere un’ AMMENTU de s’iscritore e giornalista Giuanne Frantziscu Pintore (mortu su 24-9-2012) chi est istadu
Binchidore  in su 1988, cun su libru SU ZOGU, in su Prèmiu Casteddu de sa Fae.

In àteras editziones coladas sunt istados premiados Mialinu Pira, Benvenutu Lobina, Larentu Pusceddu, Giuseppe Tirotto, Palmiro de Giovanni, Giancarlo Tusceri e àteros.

Ant a abèrrere s’addòviu:
Roberto Tola, sìndigu de Pasada
Diegu Corràine, presidente de sa Sotziedade Culturale Casteddu de sa Fae, organizadora de su Prèmiu.

Pustis, ant a faeddare amigos e connoschente de GF Pintore e amigos de su PRÈMIU CASTEDDU DE SA FAE, chi ant a chèrrere propònnere sa testimonia issoro.

Sas novidades chi ant a èssere presentadas su 25 in s’editzione 2015, ant a èssere medas: dae sa cumpositzione noa de sa giuria a su gemellàgiu cun àteros prèmios literàrios in àteras limbas natzionales emergentes, dae sa norma iscrita racumandada a su cuntributu in dinare a editores chi ant a publicare s’òpera premiada in àteras limbas.

Sa presentada cumbinat cun sa “Die europea de sas Limbas” istituida dae su Cussìgiu de Europa, chi ruet cada annu su 26 de cabudanni.
Bos torramus gràtzias.

Be the first to comment on "BANDU 2015 de su PRÈMIU “CASTEDDU DE SA FAE”"

Leave a comment

Your email address will not be published.

*